Bayern, Tuchel: Kjo humbje dhemb
Thomas Tuchel, trajneri i Bayernit, ka folur për DAZN duke komentuar disfatën në “Bernabeu”, që solli dhe eliminimin nga Liga e Kampioneve: “Kjo humbje dhemb. Do të duhet pak kohë për t’u rikuperuar. Sigurisht, është e vështirë ta pranosh. Është pjesë e realitetit. Por nga ana tjetër, kishte shumë dëmtime, disa zëvendësime, shumë ngërçe”.
“Ne filluam me një katërshe përpara dhe në fund ata ishin të gjithë jashtë fushës. Dhe pastaj Manu, i cili kishte qenë i jashtëzakonshëm duke na shpëtuar gjithë natën, bëri një gabim që nuk do ta bënte në 100 vjet të tjera”.
