Banka Botërore parashikon një rritje me 3,6% të ekonomisë shqiptare gjatë vitit 2023 dhe rënie të lehtë në dy vitet e ardhshme për shkak të kontekstit financiar global.
Në raportin “Rritje e dobët, rreziqe të larta” për rajonet e Europës dhe Azisë Qendrore, BB-ja tha se rendimenti i prodhimit të brendshëm bruto i Shqipërisë përcaktohet edhe nga rritja ekonomike e Europës, ndërsa efekt ka për të pasur edhe përfundimi i programeve për rimëkëmbjen nga tërmeti i nëntorit 2019.
Për 2024-ën dhe 2025-ën, Banka vlerëson që ekonomia shqiptare do të rritet me 3,2%.
“Inflacioni do të shkojë në objektivin 3 për qind brenda vitit 2024. Nga ana e konsolidimit fiskal, qeveria do të priret drejt shpenzimit. Borxhi publik pritet të ulet lehtë në 63,1% të PBB-së dhe më shumë në periudhën afatmesme, për shkak të rritjes nominale më të lartë dhe prej uljes graduale të deficitit fiskal,” thuhet në raportin e Bankës për këtë vjeshtë.
Ekonomia shqiptare përballet edhe me disa rreziqe, megjithatë, që lidhen me katastrofat natyrore, partneritetet publik-privat dhe ndërmarrjet shtetërore, përveçse nga rreziqet fiskale që burojnë nga sektori energjetik me bazë ujore, që varet nga moti.
Për sa i përket rajonit, për këtë vit më mirë pritet të rezultojë ekonomia maliaziase me një rritje të ekonomisë 4,8%, Kosova (3,2%), Kroacia (2,7%), Serbia (2,0%) dhe më dobët Maqedonia e Veriut (1,8%).
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.