Presidenti ukrainas Volodymyr Zelensky ka përshëndetur vendimin e Komisionit Evropian për të anuluar masat kufizuese kundër eksporteve bujqësore të Ukrainës të premten.
“Masat kufizuese kundër eksporteve tona bujqësore nga Bashkimi Evropian janë anuluar”, tha Zelensky.
“Tani, është e rëndësishme që uniteti evropian të funksionojë në një nivel dypalësh – me fqinjët”, tha ai.
Komisioni Evropian bwri tw ditur në një deklaratë pwr mediat se Ukraina ka rënë dakord të prezantojë çdo masë ligjore (përfshirë edhe sistemin e licencimit të eksporteve) brenda 30 ditëve për të shmangur rritjet e grurit.
Deri atëherë, Ukraina duhet të vendosë masa efektive të kontrollit të eksportit për të “parandaluar çdo shtrembërim të tregut në shtetet anëtare fqinje”.
Kyiv duhet të paraqesë “një plan veprimi” në Platformën e Koordinimit të Komisionit Evropian jo më vonë se 18 shtatori, sipas komisionit.
“Komisioni Evropian do të përmbahet nga vendosja e ndonjë kufizimi për sa kohë që masat efektive nga Ukraina janë në fuqi dhe funksionojnë plotësisht”, thuhet në deklaratë, transmeton CNN.
Më 2 maj, BE-ja miratoi një masë të përkohshme që ndaloi grurin, misrin dhe farat e lulediellit me origjinë nga Ukraina të eksportoheshin në Bullgari, Hungari, Poloni, Rumani dhe Sllovaki, pasi këto vende ngritën shqetësime për fermerët vendas që u nënvlerësuan nga ukrainasit e lirë.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.