BE për transparencën e Bashkive – Bashkitë me performancën më të lartë Shkodra dhe Lezha

Viti 2024 ishte i pesti që Qendra “Faktoje” monitoroi performancën e transparencës dhe mbajtjen e premtimeve në 10 institucione të pushtetit vendor në Shqipëri, në kuadër të projektit “40 premtime, 10 bashki” mbështetur nga National Endowment for Democracy (NED).

Bashkitë e monitoruara janë: Shkodra, Lezha, Elbasani, Korça, Dibra, Durrësi, Vlora, Fieri, Kavaja dhe Saranda.

Nga monitorimi rezultuan se Bashkitë e Shkodrës dhe Lezhës kanë arritur masën 100% në përmbushjen e kërkesave ligjore për transparencën.

 Nga ana tjetër, Bashkia e Fierit ka shënuar performancën më të ulët, me një nivel transparence prej 43.75%.

Ky vlerësim për Bashkinë e Shkodrës është një shtysë më tepër drejt përfundimit me sukses të projekteve të nisura sipas zëvendëskryetarit të saj, Rudin Beka.

Monitorimi i kryer nga gazetarët dhe aktivistët e shoqërisë civile ka për qëllim matjen e nivelit të transparencës dhe mbajtjen e premtimeve në institucionet lokale, nxitjen e ndarjes së informacionit me publikun dhe rritjen e llogaridhënies lidhur me proceset e vendimmarrjes.