Beci inspekton punimet në infrastrukturë, vlerësim për ndërhyrjet në rrugët “Hafiz Sabri Bushati” dhe “Daut Boriçi”

Kryetari i Bashkisë Shkodër, Benet Beci, ka inspektuar punimet që po kryhen në asfaltimin e dy rrugëve “Hafiz Sabri Bushati” dhe “Daut Boriçi” pranë Urës Dërvishbeg. Ai ka ndjekur nga afër punimet në procesin e asfaltimit të këtyre segmenteve të rëndësishme në qendër të qytetit të Shkodrës. Gjatë inspektimit ai është takuar me banorë dhe punonjës, të cilët po punojnë prej ditësh në rikonstruksionin e plotë të këtij segmenti

Beci është shprehur se kjo rrugë është një nga segmentet më të rëndësishme të qytetit dhe do të ndikojë në përmirësimin e qarkullimit të mjeteve.

Puna për rikonstruksionin e plotë të këtyre segmenteve ka nisur disa ditë më pare. Investim ka përfshirë rikonstruksionin e plotë rrjetit të kanalizimeve, asfaltimin e plotë dhe ndryshimin e korsisë së biçikletave. Kjo zonë është paisur me ndriçimin led, ç’ka ka ndryshuar imazhin e plotë kësaj rruge.