Prej disa ditësh ka nisur puna për mbrojtjen me gabiona të pjesës shkëmbore të shtratit të lumit Kir pranë Urës së Mesit, në Shkodër.
Kryetari i bashkisë së Shkodrës, Benet Beci tha se “ky investim përfshin pjesën hyrëse të urës për sistemimin me kanale të shkarkimit të ujërave të shiut, por edhe kapuçimin e të gjithë parapetit të urës në të dy krahët e saj”.
Gjithashtu, shtoi Beci, në bazë të projektit që po zbatohet, do të trajtohet edhe dëmtimi që i është bërë pjesës shkëmbore në të dyja bazamentet e harkut të madh të Urës së Mesit.
Sipas tij, pjesë e projektit është edhe ndriçimi i Urës së Mesit.
“Ky monument kulture është simbol i qytetërimit të lashtë dhe një pikë tërheqëse për turistët e huaj dhe vendas që vizitojnë Shkodrën, ndaj vëmendja e investimi janë më se të domosdoshëm”, theksoi Beci duke shtuar punimet në këtë investim po kryhen nga Fondi Shqiptar i Zhvillimit.
Ura e Mesit, 8 km larg qytetit të Shkodrës mbi lumin Kir, është një monument kulture me vlera të mëdha dhe simbol i qytetërimit të lashtë. Duke qenë një monument me vlera të mëdha arkitektonike e teknike, Ura e Mesit është një objekt që tërheq vizitorë të shumtë.
Me gjatësi 108 metra, gjerësi 3.40 metra dhe me 13 harqe josimetrike, për ndërtimin e saj janë përdorur gurë të latuar, ndërsa traseja është bërë me pllaka guri. Vlerat e kësaj ure shtohen dhe nga terreni piktoresk pranë saj me shkëmbinj dhe ujin e pastër.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.