Presidenti i Republikës, Bajram Begaj, priti të mërkurën në një takim zëvendësekretarin e Përgjithshëm të Fondacionit Konrad Adenauer, Gerhard Ëahlers, i cili shoqërohej nga drejtori i këtij fondacioni në Tiranë, Thomas Kunze.
Presidenti Begaj i përcolli zotit Ëahlers mirënjohjen për ndihmën që Fondacioni Konrad Adenauer ka dhënë për Shqipërinë ndër vite, për kontributin për një shoqëri të drejtë, promovimin dhe ruajtjen e demokracisë, sistemin e drejtësisë, për nismat e edukimit politik, si dhe kodin elektoral.
Gjermania, në vlerësimin e Presidentit Begaj, mbetet mbështetëse e madhe e Shqipërisë për anëtarësimin në Bashkimin Evropian.
“Anëtarësimi në Bashkimin Evropian është prioritet strategjik i Shqipërisë, por mendoj se zgjerimi i Unionit në Ballkanin Perëndimor është me rëndësi strategjike edhe për vetë Unionin”, – u shpreh Presidenti i Republikës.
Kreu i Shtetit vlerësoi se kujdesi i veçantë që Fondacioni Konrad Adenauer tregon ndaj kujtesës historike të Shqipërisë, nisur edhe nga eksperienca gjermane, është një shembull shumë i drejtë për të mos lejuar përsëritjen e gabimeve të së shkuarës.
Presidenti i Republikës vlerësoi përkrahjen për hapjen e negociatave të anëtarësimit, si dhe rolin pro-aktiv në mbrojtjen dhe mbështetjen e perspektivës së Shqipërisë në BE nga Gjermania, me të cilën Shqipëria ka raporte të shkëlqyera politike dhe ekonomike.
Në kuadër të vizitës në Shqipëri, të Presidentit të Turqisë, Recep Tayyip Erdoğan, policia e…
Kryeministri Edi Rama ndodhet të mërkurën në Dubrovnik, Kroaci ku do të marrë pjesë në…
Kryetari i Bashkisë Shkodër, Benet Beci , ka informuar nëpërmjet rrjeteve sociale angazhimin maksimal të…
Blendi Avdolli ka bërë Shqipërinë krenare duke fituar një medalje ari në Olimpiadën e Parë…
Partia Socialiste i bëri thirrje të mërkurën demokratëve që t'i kthehen "rrugës së arsyes e…
Shkolla speciale “3 Dhjetori” e mirëpriti vite më parë kur Megi donte të mbaronte praktikën…
This website uses cookies.