Nën Kryetari i Partisë Demokratike, Roland Bejko ka reaguar sot për të gjithë mbështetësit e ish-kryeministrit Sali Berisha që mblidhen poshtë banesës së tij çdo pasdite.
Në një reagim në Facebook, Bejko shprehet se tentativa e disa individëve për t’i shërbyer Berishës në betejën e tij kundër drejtësisë, SHBA- së dhe Britanisë, tregon mjerimin e tyre.
Manovra e disa individëve për t’i shërbyer Sali Berishës në betejën e tij kundër drejtësisë, SHBA dhe Britanisë së Madhe tregojnë mjerimin e tyre. Dy njerëzit më të interesuar sot për shkatërrimin e SPAK dhe institucioneve të drejtësisë janë Sali Berisha dhe Edi Rama. Ata kanë qenë dhe janë bashkë prej dy vjetësh në betejën kundër drejtësisë dhe partnerëve ndërkombëtarë. Për të njëjtat arsye, për të mbrojtur veten dhe familjarët e tyre”, shkruan Bejko.
Ai shton se dy njerëzit më të interesuar sot për shkatërrimin e SPAK dhe institucioneve të drejtësisë janë Edi Rama dhe Sali Berisha, duke shtuar se hallet e këtij të fundit nuk janë problemet e PD.
“Pretendojnë se janë opozitë dhe ditë për ditë sulmojnë SPAK, SHBA, Britaninë e Madhe, është të vazhdosh t’u hedhësh hi syve demokratëve që mbajnë zvarrë me lloj lloj gënjeshtrash e mashtrimesh prej më shumë se dy vjetësh, ndërkohë hipokritët “opozitarë,” nga ana tjetër vazhdojnë të marrin tendera e leje ndërtimi nga pushteti i Ramës”.
Në fund ai thekson se lojërat për ta shndërruar PD në mburojë të Sali Berishës kanë marrë fund shumë kohë më parë.
“Hallet e Sali Berishes dhe atyre që sot bëjnë tellallin e tij nëpër media, nuk janë problemet e PD.Interesi i PD është t’u garantohet vota emigrantëve dhe shqiptarëve të zgjedhin vetë deputetin e tyre përmes listave të hapura. Prioriteti i PD është vetingu i politikanëve, hartimi i një programi për ta nxjerrë vendin nga kriza dhe ofrimi i një alternative që u kthen shpresën dhe besimin njerëzve te vendi dhe politika. Kjo është platforma që bashkon çdo shqiptar e politikan që kërkon që Shqipëria të ndryshojë. Lojërat për ta shndërruar PD në mburojë të Sali Berishës kane marrë fund shumë kohë më parë”, përfundon deputeti Bejko.
Vildani është një nga të rinjtë shkodranë që studion dhe punon njëkohësisht. Pasioni për letërsinë,…
Malësia e Madhe është zona me shtrirjen më të madhe të sipërfaqes të kultivuar me…
20 shtatori shënon ditën ndërkombëtare të pastrimit. Ndërmarrja e shërbimeve publike në Shkodër bën me…
Ambasadorja e Austrisë në vendin tonë, Monica Zach, ka zhvilluar një vizitë në universitetin e…
Java Evropiane e Mobilitetit në Shkodër është shënuar me një sërë aktivitetesh të dedikuara promovimit…
Këshilli i Qarkut Shkodër zhvilloi mbledhjen e radhës ku me shumicë votash miratoi rendin e…
This website uses cookies.