Benzinë e silenciator në automjet – Detaje nga arrestimi i dy shtetasve në Shkodër, që iu gjet lënda plasëse
Policia e Shkodrës ka dhënë detaje të reja lidhur me arrestimin e dy shtetasve në Shkodrës, të cilëve nuk iu bindën urdhrit të policisë për të ndaluar.
Ngjarje e ndodhur më datë 26.03.2025. Këta dy shtetas ishin konstatuar në lagjen “Ndoc Mazi”, duke lëvizur me shpejtësi. Drejtuesi nuk i është bindur urdhrit të punonjësve të Policisë, por ka vijuar lëvizjen me shpejtësi.
Shërbimet e policisë janë vënë në ndjekje dhe e kanë ndaluar në fshatin Beltojë. Nga verifikimet e kryera rezultoi se targa e motomjetit me të cilin ata lëviznin ishte vjedhur në Tiranë dhe motomjetit i ishte ndryshuar numri i shasisë.
Ndërsa në automjetet e 2 shtetasve, u gjetën një bidon me lëndë djegëse, një silenciator dhe një sasi kokaine.
Ndërkohë, Specialistët për Hetimin e Krimeve të Komisariatit të Policisë Shkodër referuan materialet në Prokurori, ku nisi procedimi në gjendje të lirë për një shtetas 29 vjeç, pasi është konstatuar duke drejtuar një automjet në të cilin mbante pa leje, shenja dalluese si të policisë (fenelina), të cilat u sekuestruan në cilësinë e provës materiale, bashkë me automjetin.
