Ish-kryeministri Berisha në një takim me të rinjtë e Forumit Rinor të Partisë Demokratike në selinë e kësaj force politike deklaroi se atë që u ka bërë kryeministri Edi Rama shqiptarëve, nuk e kanë bërë as pushtuesit.
“Nga viti 2013 gjer më sot, në 10 vite, nga Shqipëria sipas statistikave të Eurostat, u larguan në vendet e BE, 1.1 milionë shqiptarë, 80 përqind e tyre të rinj.
80 përqind e tyre nën moshën 40 vjeç.
Të ndalemi pak së bashku.
Të supozojmë për një moment se ky vend ishte i pushtuar nga një pushtues i huaj. Dhe të mendojmë se gjatë këtij pushtimi, u larguan nga Shqipëria, 34 përqind e popullatës.
A meritonte ky pushtues mallkim dhe urrejtje më të madhe për këtë që u bëri shqiptarëve?
Këtë nuk ua bëri një pushtues shqiptarëve, këtë ua bëri një njeri.
Si e realizoi atë?
E patë! Nëse nuk i lë njerëzit të votojnë të lirë, ti u vret shpresën atyre. Në çdo vend, qeveria ka plus-minuset e saj, por në 4 vjet, qytetarët marrin vendimin e tyre”, u shpreh Berisha.
Sipas Berishës, Rama përdori bandat për të blerë votat në Shkodër. Ai theksoi se një prej prokurorëve të SPAK-ut ka marrë 2 milionë para droge prej bandave të Shkodrës.
“Kurse këtu, ajo bandë që patë, ka dhjetëra vrasje të regjistruara. Ndonjëri që ishte aty, ka vrarë të fejuarën 15-vjeçare në gjumë.
Dhe kjo nuk ka ndodhur para 30 vitesh apo 20 vitesh, kjo ka ndodhur para pak vitesh.
Ai vrasës ishte këtu. Një prokuror e arrestoi atë, e solli në Tiranë. E kishte SKAP-i i partisë.
Dhe SKAP-i i partisë pasi mori 1 milion, 2 milionë para droge prej tij, nuk janë organizatë ata, do shkojnë në Shkodër. Në Shkodër ai u lirua, ndaj dhe bënte ligjin në qendrat e votimit.
Autokolona e asaj bande, me 6 vetura të blinduara, e shoqëruar nga policia, bënte në darkë mbledhje me ministren”, nënvizoi Berisha.
Berisha shtoi se kjo është arsyeja se përse ikin shqiptarët sepse sipas Berishës “vota e tyre diktohet nga krimi dhe vota e tyre shndërrohet në krim”.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.