Kreu i Partisë Demokratike, Sali Berisha ka kritikuar projektbuxhetin e vitit 2025. Në një deklaratë për mediat nga arresti i shtëpisë ku ndodhet, Berisha tha se projektbuxheti nuk parashikon rritje të pagave dhe se “injoron” sektorë të tjerë të rëndësishëm, duke përmendur shëndetësinë e arsimin.
“Të kthehemi pak çfarë mbetet nga buxheti më i madh në histori për qytetarët shqiptarë? Për shërbimin shëndetësor, investohet gjithsej 2.5 përqind e Prodhimit të Brendshëm. Për arsimin, 2.9, por mos harroni se shpenzimet totale janë rritur me 6.7 përqind. Pra, shpenzimet në këto dy fusha rriten pothuajse 3 herë më pak se në fushat e tjera. Fusha që kanë lidhje direkt me qytetarin, me shëndetin, me fëmijët e tyre. Çfarë ndodh me rrogat? Zero rritje rrogave në vitin 2025. Çfarë ndodh me fermerët? Trajtim qesharak i paimagjinueshëm. Taksa ndëshkuese TVSH nuk ndryshon dhe lihen gjithsej 40 milionë për ata të cilët japin mbi 20 përqind të prodhimit bruto të vendit.
A mund të imagjinoni ju 40 milionë euro për ata që përbëjnë 40 përqind të popullatës së vendit dhe japini 20 përqind? Atyre u thuhet falimentoni, falimentoni, falimentoni. Çfarë ndodh me bizneset? Sa u kalon nga ky buxhet bizneseve që janë gjeneratorët e tij? Jo vetëm që nuk ulen taksat, por rriten përsëri taksat dhe përveç tyre, parashikohen që nëpërmjet metodave arbitrare, të paguajnë edhe 500 milionë euro më tepër. Pra, a nuk është ky një injorim total për bizneset në Shqipëri?”, tha Berisha.
Shqipëria është bashkorganizatore e panairit më të madh të turizmit në botë, ITB, i cili…
Diego Simeone është gati të përballet me një tjetër derbi të Ligës së Kampionëve. "Është…
Carlo Ancelotti i ka të qarta idetë në prag të derbit me Atleticon e vlefshme…
Liga e Kampioneve, faza e 16-shes, në rrugën e Arsenalit është PSV Eindhoven, që ka…
Kombëtarja shqiptare e Futsallit do të luajë të premten ndeshjen e radhës kualifikuese të Kampionatit…
Në vigjilje të ndeshjes mes Bajernit të Mynihut dhe Bajer Leverkusen, Granit Xhaka i ka…
This website uses cookies.