Mëngjesin e sotëm tre persona kanë dhunuar avokatin e ish-kryeministrit Berisha, Sokol Mëngjesi. Dhuna ndaj Mëngjesit është dënuar nga Sali Berisha i cili përmes zëdhënëses së tij Floriana Garo e ka cilësuar si akt kriminal dhe hakmarrje të verbër të Kryeministrit Edi Rama.
Sipas Garos, Mëngjesi është goditur me leva në kokë, duke i shkaktuar lëndime të rëndë. Ky akt, vijon më tej në deklaratën e saj Garo, dëshmon frikën e Ramës dhe panikun që përjeton nga aktet e tij politike kriminale.
“Sot ne mëngjes, tre bandite, te urdhëruar nga Edi Rama, kane sulmuar dhe goditur me leva në kokë në qendër të Tiranës, profesor Sokol Mëngjesin, avokati i mirënjohur i kryetarit të Partisë Demokratike, Sali Berisha.
Ky është një akt kriminal dhe hakmarrje e verbër, primitive e Edi Ramës ndaj profesor Sokol Mëngjesit, sepse ai së bashku me kolegët e tij, faktuan para shqiptarëve me prova dhe dokumente zyrtare të pakundërshtueshme, se procesi gjyqësor kundër kryetarit të Partisë Demokratike është një proces kryekëput politik i bazuar ne një piramidë mashtrimi, siç është çështja e Klubit Sportiv Partizani.
Duke e goditur me banditë, me urdhër të tij direkt profesor Mëngjesin, dhe duke i shkaktuar atij lëndime të renda, Edi Rama dëshmon frikën dhe panikun që përjeton nga aktet e tij politike kriminale”, deklaroi Garo.
Mëngjesi ndodhet në spitalin e Traumës, ndërsa është vizituar nga Drejtori i Policisë Tonin Vocaj, e vajza e ish-kryeministrit Berisha, Argita Berisha.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.