Presidenti i Shteteve të Bashkuara, Joe Biden, tha të mërkurën se Izraeli duhet të bëjë më shumë për të garantuar se incidentet si ai i vrasjes së një shtetase amerikane gjatë një proteste kundër zgjerimit të vendbanimeve, nuk do të ndodhin kurrë më. Ai tha se vrasja e Aysenur Ezgi Eygi, 26-vjeçare, është “plotësisht e papranueshme”.
Në një njoftim për mediat Biden tha se derisa Izraeli e ka marrë përgjegjësinë për vdekjen e saj, SHBA pret qasje të vazhdueshme në hetimet që janë duke u kryer për zbardhjen e rrethanave të vrasjes së saj.
“Duhet të ketë përgjegjësi të plotë. Dhe Izraeli duhet të bëjë më shumë për t’u siguruar se incidentet e tilla nuk do të ndodhin kurrë më”, tha Biden.
Reagimi i njerëzve të mbledhur në një spital ku një shtetase amerikane vdiq nga plagët e armëve, pasi dyshohet se u qëllua nga trupat izraelite gjatë një proteste në Bregun Perëndimor, 6 shtator 2024.
Izraeli ka thënë se vrasja e saj ishte “aksidentale”. Bideni gjithashtu e dënoi dhunën në Bregun e uzurpuar Perëndimor nga “kolonët ekstremistë izraelitë” dhe “terroristët palestinezë”.
“Do të vazhdoj t’i përkrah politikat që i mbajnë përgjegjës të gjithë ekstremistët – izraelitë dhe palestinezë pa dallim – për shkak të shkaktimit të dhunës dhe pengesave ndaj paqes”, tha Biden.
Ministrja e Shëndetësisë dhe Mbrojtjes Sociale, Albana Koçiu ka bërë të ditur sot se ekipi…
Kryeministrit Edi Rama ka prezantuar nëpërmjet “Facebook”, asistenten virtuale që do të asistojë qytetarët gjatë…
Kreu i Partisë Demokratike, Sali Berisha, ka premtuar se gjatë mandatit të tij të parë…
Emisioni radhës “Histori Sportive” në Rtsh Shkodra iu kushtua dy familjeve të njohura sportive të…
Emisioni radhës “Histori Sportive” në Rtsh Shkodra iu kushtua dy familjeve të njohura sportive të…
Nisur nga numri i lartë i vendeve turistike që përfshin Malësia e Madhe po tërheq…
This website uses cookies.