Biden: Tërhiqem nga gara vetëm nëse do kem probleme shëndetësore

Presidenti Joe Biden ka deklaruar se e vetmja gjë që do ta shtynte atë të rishqyrtonte opsionin për t’u tërhequr nga gara do të ishte gjendja e tij shëndetësore.

Biden e ka bërë këtë deklaratë në një kohë kur presidenti vazhdon të luftojë kundërshtimet e demokratëve nëse ai duhet të qëndrojë në krye të garës pas performancës së tij katastrofike të debatit muajin e kaluar.

“Nëse do të kisha ndonjë gjendje mjekësore, nëse mjekët do të vinin tek unë dhe do të më thonin se e keni këtë problem, atëherë do ta rishqyrtoja. Por bëra një gabim serioz në të gjithë debatin”, tha ai në një intervistë për Ed Gordon të BET News.

Presidenti më pas vazhdoi të mbrojë vendimin e tij për të mos qenë një kandidat kalimtar, diçka për të cilën u angazhua fillimisht gjatë zgjedhjeve të ciklit të kaluar.

“Kur kandidova fillimisht, mund ta mbani mend, thashë se do të isha një kandidat kalimtar. Por nuk e prisja që gjërat të polarizoheshin kaq shumë,” tha ai, duke shtuar se mosha e tij i ka sjellë mençuri. Ndërsa shtoi se “kam shumë për të bërë dhe unë nguroj të largohem nga kjo”.