“Bie” Vllaznia e femrave – Kuqeblutë u mposhtën me përmbysje në “Loro Boriçi” nga skuadra rivale e Gramshit
Kryendeshja e javës së 12-të në futbollin e femrave Vllaznia-Gramshi përfundoi me fitoren e miqve me rezultatin 1 me 2.
Vajzat shkodrane, ndonëse e gjetën të parat golin e avantazhit me anë të kapitenes Ezmeralda Franja, zhgënjyen në lojën e tyre.
Ekipi kundërshtar jo vetëm ngulmoi për barazimin, të cilin e gjeti me anë të futbollistes Begallo, por ia doli të përmbyste rezultatin në fundin e takimit me anë të lojtares tjetër të huaj, Kioko.
Veç humbjes së parë të pësuar në këtë kampionat, Vllaznia humbet edhe pozicionin e saj si kryesuese e kampionatit teksa në vend të parë është ngjitur skuadra e Gramshit.
