Pasi Izraeli shprehu gatishmërinë për një tjetër pauzë luftimesh në këmbim të më shumë pengjeve, lideri i Hamasit shkon këtë të mërkurë (20 dhjetor) në Egjipt për bisedimet e një armëpushimi të ri në Gaza.
Presidenti izraelit, Issac Herzog, tha se vendi i tij ishte “gati për një tjetër pauzë humanitare dhe ndihmë humanitare shtesë në mënyrë që të mundësojë lirimin e pengjeve”.
Kryeministri izraelit, Benjamin Netanyahu , tha se ai kishte dërguar së fundmi shefin e tij të spiunazhit në dy udhëtime në Evropë në një përpjekje për të “liruar pengjet”.
Shefi i Hamasit me bazë në Katar, Ismail Haniyeh , pritet të drejtoj një delegacion “të nivelit të lartë” në Egjipt për bisedime me shefin e spiunazhit të vendit dhe të tjerë mbi “ndalimin e agresionit dhe luftës për të përgatitur një marrëveshje për lirimin e të burgosurve”.
Udhëheqësit izraelitë po përballen me thirrje në rritje për të siguruar lirimin e 129 pengjeve që ata thonë se po mbahen në Gaza dhe të martën sinjalizuan një gatishmëri për t’u kthyer në tryezën e bisedimeve me Hamasin.
Sakaq, presioni ndërkombëtar për një armëpushim të ri që mund të rrisë ndihmën për territorin e rrethuar palestinez, po rritet. Ndërsa Këshilli i Sigurimit të Kombeve të Bashkuara pritet të votojë sot (20 dhjetor) thirrjen për një armëpushim.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.