Bizneset të interesuar për profesionistë / Mungesa për veteriner rrit kuotën e regjistrimeve në këtë degë

Sektori i biznesit po shpreh një interes të lartë për nxënësit e shkollave me karakter profesional, në mënyrë që t’i mundësojë atyre punësim në kompanitë ushqimore siç janë baxhot, industria e përpunimit të mishit etj.

Një gjë e tillë konfirmohet nga Ruzhdi Kapedani , drejtor i Shkollës Profesionale Kombëtare “Ndre Mjeda” të Bushatit . Sipas tij,  kërkesa e tregut për forca të kualifikuara të punës ka qënë e lartë në këtë shkollë ku një pjesë e madhe e nxënësve janë punësuar në sektorë të ndryshëm privat.

Profesioni veteriner është më i kërkuari nga sektori i bujqësisë duke qënë se tregu ka mangësi të mjekëve veteriner thotë drejtori i shkollës profesionale të Bushatit, Ruzhdi Kapedani

Fushata për punësimin e të rinjve të diplomuar në një prej degëve të arsimit profesional është nismë e qeverisë, në veçanti e Ministrisë së Mirëqënies, e cila vazhdimisht e rendit arsimin profesional në listën e objektivave parësore, në kushtet kur sipas studimeve tregu i punës ka nevojë për personel të kualifikuar.