Blinken: SHBA dëshiron të shmangë luftën e drejtpërdrejtë me Rusinë

Duke folur në një konferencë në Institutin Baker të Universitetit Rajs për Politikat Publike, Sekretari amerikan i Shtetit Antony Blinken ka deklaruar se Uashingtoni është përpjekur të shmangë një konflikt të drejtpërdrejtë me Moskën që nga fillimi i luftës në Ukrainë.

“Që nga dita e parë, presidenti Joe Biden kishte në mendje dy objektiva. Njëra ishte të sigurohemi që ne po bëjmë gjithçka që mundemi për të mbështetur Ukrainën dhe për të sjellë vendet e tjera në të njëjtën drejtim”, tha Blinken.

Gjithashtu, ai theksoi se Shtetet e Bashkuara të Amerikës duan të shmangin konfliktin e drejtpërdrejtë me Rusinë.

“Por tjetra është gjithashtu të shmanget në konflikt të drejtpërdrejtë me Rusinë, sepse potenciali ku mund të shkojë ai konflikt nuk është një vend që dikush dëshiron të jetë dhe jo një vend që është i mirë për sigurinë e popullit amerikan”, u shpreh Blinken, transmeton Al Jazeera. 

SHBA ka bërë thirrje në mënyrë të përsëritur vendet në mbarë botën që të qëndrojnë me Ukrainën kundër pushtimit të Rusisë – hidhini një sy më poshtë fjalimit të Biden në Asamblenë e Përgjithshme të Kombeve të Bashkuara në fund të muajit të kaluar.