Borë në zonat malore, temperaturat zbresin deri në -8 gradë

Shqipëria është përfshirë nga një front atmosferik i ulët. Temperaturat kanë zbritur në – 8 gradë, ndërsa  zonat malore janë mbuluar nga bora. Autoriteti Rrugor shqiptar bën të ditur Qafë Thore-Bogë, në Valbonë, Kukës-Shishtavec, Vau i Dejes-Pukë-Kukës, Qafë Qarri-Ersekë janë mbuluar nga bora. 

Në segmentin Korçë-Dardhë trashësia e borës shkon në 10 centimetra, ndërsa në segmentin rrugor Korçë- Voskopojë dhe Korçë – Ersekë 3-4 cm. 

Rrugët nacionale janë të kalueshme, ndërsa grupet e punës me mjetet borëpastruese vijojnë punën pa ndërprerje në terren për të bërë pastrimin nga dëbora. Në disa segmente është bërë hedhja e kripës për të evituar ngricat. Qarkullimi vijon pa probleme. 

ARSH u bën thirrje drejtuesve të mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.