“SHBA duhet t’i dorëzojë më pak armë Izraelit nëse beson se shumë njerëz janë vrarë nga pala palestineze”, kështu ëhstë shprehur shefi i politikës së jashtme të BE-së, Xhosep Borrel (Josep Borrell) pas një deklarate të presidentit të SHBA Xho Bajden (Joe Biden) ku thotë se hakmarrja në Rripin e Gazës është e tepruar.
“Nëse dikush beson se kaq shumë njerëz janë vrarë, ndoshta duhet të sigurojë më pak armë për të parandaluar vdekjen e kaq shumë njerëzve. A nuk ka kuptim? Nëse komuniteti ndërkombëtar beson se kjo është një masakër, se shumë njerëz po vriten, ndoshta duhet të mendojmë për sigurimin e armëve “, u shpreh Borrel.
Zyrtari i lartë evropian i referohej një deklarate të bërë të premten e kaluar nga presidenti amerikan Joe Biden , i cili e përshkroi operacionin hakmarrës izraelit kundër Hamasit si “të tepruar”.
“Të gjithë po shkojnë në Tel-Aviv duke lypur, duke thënë ‘ju lutem mos e bëni këtë ‘, mbrojini civilët, mos vrisni kaq shumë njerëz,” theksoi Borrel pas takimit të ministrave të zhvillimit të BE ndërsa shtoi se kryeministri izraelit Benjamin Netanjahu “nuk dëgjon askënd”.
Sot (13 shkurt) një gjykatë apeli në Holandë urdhëroi qeverinë të pezullojë të gjitha eksportet e komponentëve të avionëve luftarakë F-35 në Izrael për shkak të shqetësimeve se ato po përdoren në shkelje të ligjit ndërkombëtar në sulmet e Izraelit në Gazë.
Sulmet ajrore dhe tokësore të Izraelit në Rripin e Gazës me popullsi të dendur kanë lënë 28,340 të vdekur, shumica dërrmuese e tyre civilë, sipas ministrisë së shëndetësisë të Hamasit, e cila ka numëruar 164 vdekje në 24 orët e fundit.CNN.gr
Trajneri i Laçit Armando Cungu në emisionin “Supergol” në RTSH pas ndeshjes së humbur 2-1…
Gjatë sezonit veror edhe territori i Bashkisë së Shkodrës, sikurse në në gjithë vendin, u…
Zhytësit specialistë që vëzhgojnë rrënojat e superjahtit 40 milionë dollarësh që u mbyt në Sicili…
Të paktën 51 persona kanë mbetur të vrarë dhe më shumë se 20 janë plagosur…
Të paktën katër persona u vranë dhe dhjetëra të tjerë kanë mbetur të plagosur në…
Presidenti francez, Emmanuel Macron, ka zbuluar qeverinë e tij të re, pothuajse tre muaj pasi…
This website uses cookies.