Borusia-Milan në RTSH, gjermanët në kërkim të pikëve të para

Borusia Dortmund pret Milanin sot në kërkim të fitores të parë në Champions, pas humbjes në Paris në ndeshjen e parë. Pas disa luhatjeve në kampiont, Borusia është stabilizuar dhe pret plot besim shtatë herë kampionët e Evropës.

Paraqitja në rritje e verdhezinjve i dedikohet rikthimit në formë të dy prej lojtarëve kryesorë, Julian Brandt e Marko Rojs. I pari ka kontribuar me një gol e katër asist në gjashtë ndeshje të Bundesligës. I aftë të luajë në mesfushë apo sulm, Brand ka mesatarisht për pesë aksione që përfundojnë me gjuajtje për ndeshje.

Rojs është golashënuesi më i mirë i Borusias në Champions, me 22 gola, plus 19 asist, në 60 ndeshje. Me katër gola të shënuar kundër Real Madrid, statusi i Rojs si lojtar i ndeshjeve të mëdha, është i sigurt.

Për sa i përket formacionit, krejt ndryshe nga Milan, Dortmund nuk ka probleme dëmtimesh. Vetëm austriaku Marcel Sabitzer është në dyshim, ndërsa gjithë të tjerët janë në dispozicion të trajnerit Terziç.