Maks Verstapeni kla fituar epilogun e këtij sezoni të Formulës 1, Çmimin e Madh të Abu Dhabit, duke lënë pas Sharl Lëklerkun, ndërsa “Mercedes”-i i mbijetoi përpjekjes së “Ferrari”-t për t’i rrëmbyer vendin e dytë në renditjen e konstruktorëve, edhe pse në një moment të caktuar të garës u duk se skuadra italiane ia kishte dalë.
Sikundër kishte ndodhur për shumicën e këtyre 22 garave, prej të cilave Maks Verstapeni nuk kishte fituar në vetëm 3 prej tyre, holandezi i “Red Bull”-it i ka mbijetuar një sulmi në nisje dhe përgjatë xhiros së parë nga Lëklerku, për të vijuar më pas të marshojë i pashqetësuar drejt finishit, ku ka mbërritur thuajse 18 sekonda para pilotit të “Ferrari”-t, ndërsa podiumin e garës së fundit të sezonit e plotësoi Xhorxh Rasëlli.
Në fakt, ky i fundit e fitoi shkallën e ulët të podiumit vetëm falë një ndëshkimi të pilotit tjetër të “Red Bull”-it, Serxhio Perezit, i cili në pistë e kaloi edhe britanikun e “Mercedes”-it, por edhe vetëm Lëklerkun, që provoi një manovër që do t’i ulte pikët e skuadrës gjermane dhe do ta zbriste atë nga vendi i dytë në podiumin e konstruktorëve.
Kjo manovër nuk funksionoi dhe, për vetëm 3 pikë, “Ferrari” e humbi titullin e nënkampiones së botës në garën e skuadrave, edhe falë një strategjie të gabuar me një ndalim që nuk funksionoi me pilotin tjetër, Karlos Sainzin, që nuk mori dot asnjë pikë dhe e mbylli në Abu Dhabi një xhiro para fundit. Emocionet e kësaj gare, sikundër i gjithë ky sezon, u sollën për sportdashësit drejtpërdrejt nga Rrjeti i Radio-Televizionit Shqiptar.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.