Botërori 2026, Uruguai i Bielsës “çmend” Argjentinën
messi
Ashtu siç kishte premtuar ndodhi, Uruguai i Marselo Bielsës luajti në “Bombonera” një ndeshje për të mos u harruar duke mundur 2-0 Argjentinën, e cila nuk kishte pësuar asnjë zhgënjim që prej momentit kur u shpall kampione e botës.
Goli i parë erdhi pikërisht falë presingut të lart të miqve, të cilët rikuperuan topin me Vinjën dhe më pas festuan me Arauhon. Për “Dibu” Martinez ky ishte goli i parë që pësonte pas plot 751 minutash lojë.
Mesi me shokë tentuan që të kundërgjigjeshin në më shumë se një rast, por portieri i Uruguait ishte me fat dhe në disa raste arriti që të kryente ndërhyrje decizive.
Tre minuta nga fundi i kohës së rregullt, Uruguai goditi përsëri falë Nunjezit, i cili ktheu në gol një kundërsulm perfekt.
Pas pesë ndeshjeve të para të luajtura në Eliminatoret e Amerikës Latine për Botërorin e 2026-ës, Argjentina kryeson me 12 pikë ndërsa Uruguai, i dyti, e ndjek me dy më pak.
