Kampionati Botëror i mundjes për moshën deri në 23 vjeç është duke mbërritur në fund. Tashmë ka përfunduar stili i lirë dhe ndeshjet për femra, ndërsa është duke vazhduar stili greko-romak. Betim Vreneci, anëtari i bordit ekzekutiv të Federatës Botërore të Mundjes, por dhe pjesëtar i organizimit të këtij Botërori në Tiranë, tregon se si ishte ky aktivitet në Shqipëri.
“Deri më tani është dita e pestë e kampionatit. Kemi mbi 700 mundës nga ekipet, të cilat me të gjitha delegacionet bëhen 1100 vetë. Kjo do të thotë që është një punë e shkëlqyer e deri më tani për fat të mirë nuk kemi patur probleme”, thotë Vreneci.
I njëjti Botëror për moshën deri në 23 vjeç do të zhvillohet dhe vitin e ardhshëm në Tiranë. Pse ky besim i Federatës Botërore të Mundjes ndaj Shqipërisë?
“E ka marrë besimin nga Federata Botërore e Mundjes për shkak të organizimit të mirë që bëhet dhe pritjes së mirë që i bëhet sportistëve e specialistëve”, bën të ditur Vreneci.
Në rolin e specialistit, Vreneci ka treguar dhe përfaqësimin e Shqipërisë, Kosovës dhe Maqedonisë së Veriut në këtë Botëror.
“Shqipëria vazhdon në stilin greko-romak ku ka sportistë të mirë dhe që mund të marrin medalje. Kosova ishte me një sportist, i cili nuk ia doli, kurse nga Maqedonia e Veriut ishte një që u priste të merrte medalje, por ndonjëherë është punë fati dhe mbeti edhe ai pa medalje”, pohon Vreneci.
A mundet që një Botëror të tillë ta ketë edhe Kosova?
“Është një nismë që Federata Botërore e Mundjes është në gjendje të prekë me mundjen në çdo shtet qoftë edhe i vogël”, përfundon anëtari i Bordit Ekzekutiv të Federatës Botërore të Mundjes.
Kampionati Botëror i mundjes për 23 vjeç përfundon të dielën në mbrëmje në sallën olimpike “Feti Borova”.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.