Braimllari: Ilir Meta nuk është në protestën e opozitës, ja arsyeja pse mungon
Në protestën e thirrur sot më 20 shkurt nga disa subjekte politike opozitare nuk do të jetë i pranishëm kryetari i Partisë së Lirisë, Ilir Meta dhe bashkëshortja e tij Monika Kryemadhi.
Këtë e ka konfirmuar për RTSH-në, Nën Kryetari i PL-së Endrit Brahimllari, i cili tha se, “për shkak të agjendës së planifikuar, Kreu i PL-së, Ilir Meta dhe bashkëshortja e tij, Monika Kryemadhi nuk do të jenë sot pjesë e protestës së thirrur nga opozita”.
Brahimllari konfirmon se z. Meta do të jetë i pranishëm në një konference ndërkombëtare.
Por sipas tij, në protestën e sotme do të marrin pjesë drejtuesit e tjetër politik të kësaj force si dhe janë organizuar simpatizantët për të qenë të pranishëm në shesh.
“Jemi pjesë e opozitës së bashkuar, jemi pro aksionit opozitar, e kemi mbështetur në parlament dhe do ta mbështesim edhe në terren. Gjithçka është çështje agjende. Por mesazhi i qartë do të jetë sot me pjesëmarrjen masive të qytetarëve. Ne jemi në vazhdimësi të aksionit opozitar. PL ka propozuar një agjendë të aksionit opozitar me amendamente në parlament. Po kështu edhe në Këshillin Bashkiak të Tiranës. Energjitë sot janë fokusuar kundër keqqeverisjes. Opozita është në rrugën e duhur ”, deklaron ndër të tjera Braimllari.
