Federata braziliane e futbollit nuk po kalon ditë të qeta. Sikur të mos mjaftonin rezultatet e dobëta sportive që skuadra ka arritur në fushë, Brazili nuk po kalon ditët e tij më të mira edhe në nivel institucional, sidomos për çështjet që kanë të bëjnë me presidentin e federatës.
Ednaldo Rodrigues, që ishte shkarkuar nga funksionet e tij për shkak të parregullsive në zgjedhje, u rikthye në detyrë të enjten e kaluar, pas vendimit të Gjykatës së Lartë, që pezulloi vendimin filliestar (kujtojmë që pas shkarkimit të Rodrigues, FIFA kërcënoi Brazilin me përjashtim nga të gjitha kompeticionet).
Sipas “Globo Esporte”, masa e parë që ka marrë presidenti sapo është rikthyer në detyrë ka qenë informimi i trajnerit aktual të përkohëshëm Fernando Diniz, që nuk do të drejtojë “seleçaon” në Kupën e Amerikës 2024.
Kandidati kryesor për të marrë drejtimin e Brazilit ishte Carlo Ancelotti, por italiani rinovoi kontratën e tij me Realin e Madridit. Sipas mediave braziliane, aktualisht në “pole position” për të marrë drejtimin e kombëtares është trajneri i San Paolos, Dorival Júnior. Pritet që tekniku i ri të debutojë në muajin mars në miqësoret kundër Anglisë dhe Spanjës.
Fernando Diniz drejtoi Brazilin (si trajner i përkohshëm) në 6 ndeshje, duke koleksionuar 2 fitore, 3 humbje dhe 1 barazim. Trajneri largohet nga posti i tij, duke lënë Brazilin në vendin e 6-të në renditjen e kualifikueseve për Kupën e Botës, pas skuadrave si Ekuadori apo Venezuela.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.