Brdariç: E dimë si mundet Partizani

Trajneri i Vllaznisë, Tomas Brdariç ka folur për mediat në konferencën për shtyp në prag të supersfidës kundër Partizanit, ndeshje e vlefshme për javën e 10-të të Abissnet Superiore, që do të luhet nesër në orën 19:30 dhe do të transmetohet drejtpërdrejt në RTSH Sport.

Tekniku i shkodranëve vlerëson kundërshtarin, por thekson se skuadra e tij do të synojë tre pikët në “Loro Boriçi”.

Ka shumë optimizëm në skuadër, luajmë në shtëpinë tonë dhe ne duhet të bëjmë një paraqitje shumë të mirë kundër Partizanit në “Loro Boriçi”. Duhet të jemi të përqendruar dhe të kapim kreun e renditjes, Partizani është një skuadër shumë e fortë dhe ne dimë si ti mundim ata.

Është një futboll tjetër nëse luan në shtëpinë tënde, ne jemi shumë të fokusuar për ndeshjen dhe jemi të përgatitur për Partizanin”, ka thënë mes të tjerash Brdariç.