Brdaric i zhgënjyer me lojën  e skuadrës  – Daja: Perfekte loja deri në min 85-të,  më pas gjërat u ndërlikuan

Pas ndeshjes Vllaznia – Dinamo, e cila përfundoi me fitoren e bluve, kanë dhënë prononcime për mediat trajnerët e dy skuadrave.

Për trajnerin gjerman të Vllaznisë, Thomas Brdaric, kjo ndeshje ishte zhgënjyese për mënyrën se si lojtarët e interpretuan takimin.

Ndërkohë, trajneri i Dinamos, Ilir Daja, e cilësoi perfekte lojën e skuadrës së tij deri në minutën e 85-të, kur më pas gjërat u ndërlikuan.

Thomas Brdaric u shfaq i nervozuar në fund të ndeshjes, duke kritikuar arbitrin kryesor për shkak të minutave të pakta që akordoi për shtesën e ndeshjes.

Kujtojmë se ndeshja e radhës për Vllazninë do të jetë përsëri në “Loro Boriçi”, ku do të presë Elbasanin të dielën pasdite.