Brdariç: Me Bylis ndeshje e vështirë/Trajneri kuqeblu i matur për mediat para udhëtimit në Ballsh për Superligën

Me urimin për Ditën Kombëtare të Flamurit, e ka nisur konferencën për mediat trajneri i Vllaznisë Thomas Brdaric. Pas pjesës festive, ai është përqendruar në përgjigjet e pyetjeve për ndeshjen me Bylis për Superligën, ku ka pranuar se do të jetë një ndeshje e vështirë.
Është një ndeshje komplet ndryshe, jo si ajo në “Loro Borici”. Disa javë më përpara, kanë marrë një trajner me shumë eksperiencë në Superligë si Nevil Dede. Ai di si tipërgatisë ekipet për këto lloj ndeshjesh. Prandaj, duhet të jemi sa më të përgatitur për këtë sfidë nesër. Por besoj se, kemi cilësitë tona, kemi stilin tonë të lojës. Ne dhe lojtarët e dimë se nesër na pret një ndeshje e vështirë prej kuhsteve, fushës, mënyrës së lojës të Bylis që na vë gjithmonë në stres. Por ne për këtë duhet të jemi më të fokusuar përgjatë 90 minutëshit nesër.
Brdaric ka thënë se ekipi do të jetë i plotë me përjashtim të Krymit, i cili mund të zëvendësohet nga Qato, Salo apo Kahrimanovic. Lidhur me formacionin zyrtar, tekniku kuqeblu kq thënë se kemi edhe një stërvitje. Pas saj, do të caktohet ekipi që do zbresë në fushë por edhe rezervat në pankinë.