Ashtu siç u bë e ditur më herët, trajneri i ri i Vllaznisë, Thomas Brdariç, ka nisur punën me skuadrën kuqeblu duke zëvendësuar kështu në pankinë paraardhësin Qatip Osmani. Në prononcimin e dhënë për mediat, pak çaste përpara fillimit të seancës stërvitore të zhvilluar në stadiumin “Loro Boriçi”, kroato-gjermani i pankinës kuqeblu dha një prononcim për mediat e pranishme.
“Jam i kënaqur që jam këtu, që punoj përsëri për këtë klub. Në këtë situatë dua të falënderoj Qatip Osmanin, ai ka bërë një punë shumë të mirë këtu dhe kam vlerësuar që ka çuar Vllazninë në këto pozita. Kështu është jeta. Ajo që ndodh tani, ndodh shumë shpejt. Ky ishte vendim zemre, që të vija këtu , sepse kemi prodhuar momente të bukura në të kaluarën. Në javët e ardhshme është e rëndësishme që të prodhojmë jo vetëm momente të bukura e rezultate, por edhe të shkojmë në “Final Four” për titullin. Për mua, skuadra ka cilësi. Në fund të ditës të duhet edhe fat për të fituar ndeshjet, por është shumë e thjeshtë të thuash që skuadra do besim. Duhet të jemi të mirë fizikisht dhe kjo është ku do punojmë në javët e ardhshme. Në një anë jam këtu që t’i jap skuadrës identitet, për këtë nuk ka kohë. Duhet të punojmë shumë dhe fitojmë ndeshjen e ardhshme e sigurojmë pozicionin në “Final Four”. E kam parë ndeshjen e fundit me Egnatian, ishte e afërt, çdo gjë. Duam të marrim revansh”, tha ndër të tjera tekniku Brdariç.
Ndeshja e ardhshme e Vllaznisë është pasditen e së dieles në transfertë me Egnatian, për llogari të javës së 33-të të Superiores.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.