Kryeministri, Edi Rama ndodhet të mërkurën për një vizitë zyrtare dyditore në Bruksel, ku do të marrë pjesë në mbledhjen e Komitetit Ekonomik dhe Social Evropian.
Kryeministri Rama, në mesditë, u takua edhe me Presidenten e Komisionit Evropian, Ursula von der Leyen.
Fokus i diskutimeve të takimit të Kryeministrit Rama me zyrtarët e lartë të BE-së do të jetë integrimi i rajonit të Ballkanit Perëndimor, si dhe plani i rritjes ekonomike.
Takimi vjen disa ditë para organizimit të samitit për Ukrainën në Tiranë, që do të mbahet më datë 28 shkurt, ku për herë të parë vendin tonë do ta vizitojë presidenti ukrainas Volodymyr Zelensky.
Michel: Mirënjohje për mbështetjen e Shqipërisë dhe rajonit për Ukrainën
Po të mërkurën, kryeministri Rama takoi edhe Presidentin e Këshillit të Evropës, Charles Michel, i cili përshëndeti nismën për të zhvilluar një samit rajonal Ballkan Perëndimor- Ukrainë në Tiranë.
Nëpërmjet një postimi në platformën X, Michel bëri të ditur gjithashtu se edhe e ardhmja e Ballkanit Perëndimor është në BE.
“Me @ediramaal, diskutuam rrugën përpara të Shqipërisë drejt BE-së dhe mbështetjen tonë gjatë gjithë kësaj rruge. E ardhmja e Ballkanit Perëndimor është në BE. Përshëndeta gjithashtu nismën për të pritur një samit rajonal Ballkan Perëndimor-Ukrainë në Tiranë. BE është mirënjohëse për mbështetjen e Shqipërisë dhe të rajonit për Ukrainën”, shkruajti Michel.
Trajneri i Laçit Armando Cungu në emisionin “Supergol” në RTSH pas ndeshjes së humbur 2-1…
Gjatë sezonit veror edhe territori i Bashkisë së Shkodrës, sikurse në në gjithë vendin, u…
Zhytësit specialistë që vëzhgojnë rrënojat e superjahtit 40 milionë dollarësh që u mbyt në Sicili…
Të paktën 51 persona kanë mbetur të vrarë dhe më shumë se 20 janë plagosur…
Të paktën katër persona u vranë dhe dhjetëra të tjerë kanë mbetur të plagosur në…
Presidenti francez, Emmanuel Macron, ka zbuluar qeverinë e tij të re, pothuajse tre muaj pasi…
This website uses cookies.