Brukseli hap negociatat për grupin e tregut të brendshëm me Shqipërinë, delegacioni i BE-së: Një tjetër moment i rëndësishëm në rrugën drejt anëtarësimit

Delegacioni i Bashkimit Evropian në Tiranë deklaroi të hënën në mbrëmje, nëpërmjet një postimi në rrjetet sociale, se Shqipëria shënoi një tjetër moment të rëndësishëm në rrugën drejt anëtarësimit në Bashkimin Evropian, me hapjen e negociatave për grupkapitullin e Tregut të Brendshëm.

Tregut të Brendshëm përfshin:

1. Lëvizjen e lirë të mallrave

2. Lirinë e lëvizjes së punonjësve

3. Të drejtën e vendosjes dhe ofrimit të shërbimeve

4. Lëvizjen e lirë të kapitalit

5. Të drejtën tregtare

6. Të drejtën e pronësisë intelektuale

7. Politikën e konkurrencës

8. Shërbimet financiare

9. Mbrojtjen e konsumatorit dhe shëndetit

Takimi i katërt i Konferencës së Anëtarësimit

Takimi i katërt i Konferencës së Anëtarësimit me Shqipërinë në nivel ministror u mbajt të hënën në Luksemburg.

Delegacioni i Bashkimit Evropian u kryesua nga Radosław Sikorski, Ministër i Punëve të Jashtme, në emër të Presidencës polake të Këshillit të Bashkimit Evropian, me pjesëmarrjen e Komisioneres për Zgjerim Marta Kos.

Delegacioni shqiptar kryesohej nga z. Edi Rama, kryeministër i Shqipërisë.

“Sot mbajtëm Konferencën e parë Ndërqeveritare me një nga vendet kandidate nën presidencën polake. Zgjerimi i BE-së mbetet në thelb të prioriteteve tona. Ky progres konkret pasqyron angazhimin tonë të fortë ndaj partnerëve tanë në Ballkanin Perëndimor, një rajon ky që është kyç për stabilitetin dhe sigurinë e Bashkimit Evropian.”, tha Radosław Sikorski, Ministër i Punëve të Jashtme, në emër të Presidencës polake të Këshillit të Bashkimit Evropian

Takimi shërbeu për hapjen e negociatave me Shqipërinë për Cluster 2: Tregu i brendshëm, duke përfshirë kapitujt e mëposhtëm negociues:

• Kapitulli 1 – Lëvizja e lirë e mallrave,
• Kapitulli 2 – Liria e lëvizjes së punëtorëve,
• Kapitulli 3 – E drejta e themelimit dhe liria për të ofruar shërbime,
• Kapitulli 4 – Lëvizja e lirë e kapitalit,
• Kapitulli 6 – E drejta për shoqëritë tregtare,
• Kapitulli 7 – E drejta e pronësisë intelektuale,
• Kapitulli 8 – Politika e konkurrencës,
• Kapitulli 9 – Shërbimet financiare,
• Kapitulli 28 – Mbrojtja e konsumatorit dhe shëndetit

BE-ja vendosi gjithashtu standarde për mbylljen e përkohshme të këtyre kapitujve.

Kjo pason hapjen e grupit të parë mbi ‘Bazat’ dhe të grupit të gjashtë për ‘Marrëdhëniet e jashtme’ në Konferencat e Anëtarësimit me Shqipërinë të mbajtura përkatësisht më 15 tetor dhe 17 dhjetor 2024.

Monitorimi i progresit në përafrimin dhe zbatimin e acquis të BE-së dhe standardeve përkatëse evropiane do të vazhdojë gjatë gjithë negociatave.

Konferenca e anëtarësimit do të kthehet në këtë grup në një moment të përshtatshëm.

Sfondi

Pas prezantimit të metodologjisë së rishikuar për negociatat e anëtarësimit në vitin 2020, kapitujt e negociatave ndahen në gjashtë grupime tematike:

• Bazat
• Tregu i brendshëm
• Konkurrueshmëria dhe rritja gjithëpërfshirëse
• Axhenda e gjelbër dhe lidhje e qëndrueshme
• Burimet, bujqësia dhe kohezioni
• Marrëdhëniet e jashtme

Negociatat për grupin Fundamentals janë të parat që hapen dhe të fundit që mbyllen, dhe progresi nën këtë grup do të përcaktojë ritmin e përgjithshëm të negociatave.