Bullizmi tashmë fenomen shqetësues/21 Nëntori njihet si Dita Kombëtare Kundër Bullizmit
bullzmi tek femijet
Bullizmi prej kohësh është kthyer në një prej fenomeneve shqetësuese të shoqërisë shqiptare. Pasojat e tij janë jo të vogla dhe ndonjëherë edhe fatale. Ky fenomen shqetësues prek më shumë fëmijët dhe të rinjtë.
Shkaqet janë të ndryshme por më së shumti vijnë nga çrregullimet psikologjike që qëndrojnë të fshehura tek bullizuesi. Sensibilizimi, rritja e vetëdijësimit për pasojat e fenomenit i vjen në ndihmë minimizimit të tij.
Studimet në vend kanë zbuluar se 84% e nxënësve janë të përfshirë në fenomenin e bullizmit, ndër të cilët 7.5% janë shumë të përfshirë. Kjo shifër tregon realitetin dhe impaktin e këtij fenomeni në shoqëri. Që prej vitit 2018 vendi ynë i ka dhënë simbolikën 21 nëntorit si Dita Kombëtare Kundër Bullizmit.
