Burg pa afat për Simon Gjokën – U arrestua për vjedhje, por përgjimet zbuluan se ngacmonte një të mitur

Gjykata e Lezhës ka vendosur burg pa afat për Simon Gjokën  i cili u arrestua si hajdut, por me pas rezultoi se kishte abuzuar seksualisht me një të mitur 13- vjeçare.

 Arrestimi i tij u bë pas dyshimeve për disa vjedhje bagëtish, por pas vendosjes në përgjim, u zbulua se komunikonte me të miturën me biseda me kontekst seksual. E mitura ishte vajza e një lidhjeje miqësore që Simon Gjoka kishte me të ëmën e cila ishte invalide.

Menjëherë është bërë shoqërimi dhe marrja në pyetje në praninë e psikologut dhe nënës së të 13- vjeçares që ka dëshmuar se lidhja me 38-vjeçarin kishte filluar prej më shumë se 1 viti dhe se kishin kryer edhe marrëdhënie seksuale.

Në telefonin e së miturës janë gjetur videot intime dhe foto, por vajza ka pranuar gjithashtu se 38- vjeçari e kishte prezantuar edhe me persona të tjerë, ndërsa është ngritur dyshimi se mund të jetë shfrytëzuar prej tij për prostitucion.

Pritet akt ekspertimi i mjekut ligjor dhe marrja sërish në pyetje e të miturës për të përcaktuar nëse ajo është shfrytëzuar për prostitucion.

Nëse vërtetohen këto akuza, pritet që çështja t’i kalojë krimeve të rënda.

E mitura shiste qirinj në Kishën e Shna Ndout në Lç, gjë që ka lehtësuar kontaktet e 38- vjeçarit Simon Gjoka me të miturën.