Burimi: Pse nuk ngrihen komisionet hetimore? Gjikondi: Pse ato janë arsyet e thyerjes së karrigeve?

Situata politike në vend është acaruar, ku opozita nuk lejon zhvillimin normal të seancave parlamentar e epo ashtu edhe komisioneve, duke paralajmëruar për agravim të mëtejshëm të aksionit të tyre në rast se do të vijohet të mos pranohen kërkesat e tyre për ngritjen e komisioneve hetimore.

Në një lidhje me Skype për emisionin “3D” më RTSH, gazetari Genc Burimi u shpreh se është e drejta e deputetëve në momentin që 35 prej tyre kërkojnë ngritjen e një komisioni hetimor.

“Shqipëria sot ka një problem të madh, keni një problem sot në parlament dhe vazhdoni akoma me Berishën. Nuk e kuptoj pse humbni kohë me Berishën, çpunë kanë shqiptarët me Berishën. Ke një problem në Parlament, 25% e deputetëve kanë të drejtë të krijojnë një Komision hetimor. Ke një formacion politik i cili në koalicion ka marrë 500 mijë vota. E ke në Kushtetutë që 35 deputetë kanë të drejtë të kërkojnë komision hetimor”, u shpreh ai.

Nga ana tjetër, Brizida Gjikondi u shpreh se nuk është kjo arsyeja e vërtetë e aksionit të opozitës. Sipas saj, ish-kryeministri Sali Berisha ka sjellë problemet e tij në Parlament.

“Ju mendoni që është vërtetë arsyeja e komisioneve hetimore që në Parlament po thyhen karrige, vazo me lule epo qëllohet me grusht?”, deklaroi ajo.