Burrel- Zjarri shkrumbon banesën, humb jetën 41-vjeçarja
Një ngjarje e rëndë është regjistruar në Mat, ku si pasojë e zjarrit të rënë në një banesë ka humbur jetën një person.
Policia ka bërë me dije se ngjarja ka ndodhur në Burrel pak më parë, ku një 41-vjeçare ka humbur jetën si pasojë e asfiksisë.
“Rreth orës 10.00, në qytetin e Burrelit, në banesën e shtetases Sh.C., ka rënë zjarr dhe si pasojë e flakëve e tymit është asfiksuar dhe ka humbur jetën shtetasja F.C, rreth 41 vjeçe(vajza e shtetases Sh.C).
Grupi hetimor po punon për zbardhjen e plotë të rrethanave dhe shkakut të rënies së zjarrit”, thuhet në njoftim.
