Bursa studimi në Hungari – Rektori Gjuraj priti në një vizitë zyrtare ambasadoren e Hungarisë, Kasnyik

Në vijim të përpjekjeve për ndërkombëtarizimin e UNISHK-ut, rektori Tonin Gjuraj priti ambasadoren e Hungarisë në Republikën e Shqipërisë, Martina Kasnyik e shoqëruar nga zonja Kati Görök, konsulle e ambasadës hungareze, si dhe Konsullin e Nderit të Hungarisë, Kliti Hoti. Takimi u fokusua në forcimin e marrëdhënieve mes Shqipërisë dhe Hungarisë në fushën e arsimit të lartë.

Diskutime të rëndësishme u zhvilluan mbi mundësitë e shkëmbimeve të studentëve dhe stafit akademik, si dhe shkëmbimin e projekteve kërkimore shkencore që konsistojnë në ofrimin e 20 bursave për studentët shqiptarë në universitetet hungareze.

Rektori premtoi angazhimin e tij maksimal për nënshkrimin e marrëveshjeve të bashkëpunimit me universitetet e Hungarisë, veçanërisht me Universitetin e Pécs, me të cilin ka një marrëveshje të hershme bashkëpunimi, si dhe për faktin se Universiteti i Shkodrës dhe Universiteti i Pésc janë pjesë e “Alps Adriatics Rectors Conference”.