Bushi: Me Finlandën dhe Malin e Zi dua 4 pikë, U-21 ende s’ka lojtarë për kombëtaren A

Takimet me Finalandën dhe Malin e Zi janë mjaft të rëndësishme për Kombëtaren U-21. Për të komentuar zgjedhjet e bëra dhe duelet e radhës sot përballlë gazetarëve doli Alban Bushi. Numri një i Shpresave shprehet i bindur se të besuarit e tij mund të marrin katër pikë në dy ndeshjet e radhës.

Si e komentoni faktin se keni bërë kaq shumë ndryshime në formacion krahasuar me grumbullimin e fundit?

Ne marrin lojtarët më në formë të momenti. Ata janë pjesë e rëndësishme e jona, por këtë herë zgjodha dikë tjetër.

I trembeni euforisë pas dy fitoreve radhazi?

Unë jam i mendimit si fitorja si humbja duhet të kujdesesh për to për të bërë më të mirën. Si në fitore si në humbje duhet të shikojmë menjëherë për sfidën e radhës. Ne e dimë se kush jemi dhe në grup kemi skuadra që janë më të forta se ne. Nuk kemi eufori, jemi ekip i fortë dhe luftojmë 2 për 1 dhe jo e kundërta. Finlanda, Rumani, Zvicra kanë lojtarë me nga 90’ minuta në këmbë, ndërsa ne kemi lojtarë që nuk kanë minutat e duhura.

Mendoni se do të kemi emra konkret për kombëtaren A?

Këtë pyetje bëhet në çdo konference. Ka shumë lojtarë, 4-5 që mund të përfaqësojnë ekipin A, por aktualisht duke parë edhe lojtarët që janë në ekipin A, mendoj se ende nga Shpresat nuk janë gati.

Si e komentoni bashkëpunimin me Silvinjon?

Është një bashkëpunim më i mirë se me trajnerët e tjerë. Pasi është gjithmonë aty dhe kjo rrjedhimisht na ndihmon edhe ne.

Finlada është një ekip i fortë, po për Malin e Zi çfarë mendimi keni?

Është një kundërshtar i fortë padiksutim. Ende nuk mendoj për përballjen me ta, pasi kemi Finlandën. Mali i Zi me ne jemi po aty-aty dhe kjo do ta bëjë një sfidë të fortë.

Bilanci flet për ju pasi në 5 ndeshje keni 4 fitore dhe 1 humbje.

Kanë ndryshuar shumë gjëra në skuadër, pasi tashmë djemtë e kanë një synim për Europianin dhe i dinë gjërat që duhet të bëjnë.

Objektivi juaj për këto dy ndeshje?

Do doja padiskutim 6 pikë, por të jemi realist edhe me 4 do të ishte mirë. Kualifikimi në europian do të ishte i mirë si për kombëtaren ashtu edhe për Shqipërinë.