Buxheti më i madh për bashkitë, pushteti Vendor kërkon grante dhe për bashkitë e vogla

Buxheti për pushtetin vendor për vitin 2024 do të jetë 71 miliardë lekë  çka shënon një rritje 10.4 përqind krahasuar me 2023.

Ky buxhet për 61 bashkitë e vendit është i përqendruar në turizëm, rindërtimi dhe rritja e pagave.

Për Drejtoreshën e Shoqatës për Autonomi Vendore, Adelina Farrici kjo rritje e Buxhetit të Shtetit është një lëvizje pozitive.

Buxheti i shtetit në formën e transfertave të pakushtëzuara i jep bashkive 36.5 miliardë lekë çka shënon një rritje rreth 16 përqind nga 2023 e ky buxhet është i llogaritur në bazë të një formule të përcaktuar në ligj, por për Farricin edhe fondet që jepen si transferta speciale duhet që një pjesë e tyre të kalojnë me formule.

Edhe pse këtë vit nuk u arrit rritja e përqindjes që marrin bashkitë nga renta minerare, Farrici thotë se lobimi duhet të vazhdojë në mënyrë që të arrihet ndodhte në vitin 2025 nga 5% në 25 % renta minerare që marrin bashkitë.