Prej datës 20 shtator në kanalin RTSH 1 filloi emisioni “Ekspres” i gazetarit Noljan Nole, i cili do të trajtojë aktualitetin e ditës nga e hëna në të premte në orën 16:35–17:00.
Sipari i emisionit u ngrit me të ftuar Drejtoreshën e Përgjithshme të Institutit të Statistikave, Dr. Elsa Dhuli.
Tema kryesore ishte Censi 2023, me të cilin INSTAT-i synon të “fotografojë” të gjithë popullsinë rezidente në Republikën e Shqipërisë, por edhe të ndërtesave dhe banesave në vend.
“Statistikat zyrtare do t’i shërbejnë jo vetëm hartuesve të politikave, por edhe vendimmarrësve, për ndarjet më të detajuara gjeografike deri në 1 kilometër katror. Të dhënat do të jenë sipas ndarjes territoriale, në nivel bashkie, qarku dhe vendi. Është shumë e rëndësishme të dihen ndryshimet demografike mes dy censeve, statusi i punësimit, arsimit, migracionit,” u shpreh znj. Dhuli.
Vizitat e anketuesve në kuadër të censit bëhen sipas një plani. I gjithë territori i Shqipërisë është i ndarë në 5.240 zona, të cilat ndahen sipas çdo anketuesi të ngarkuar nga INSTAT-i.
Drejtoresha Dhuli sqaroi se pyetjet për censin janë të detyrueshme, por ka edhe pyetje opsionale, si ato për etninë, fenë dhe gjuhën.
“Nuk gjykoj se këto pyetje lënë vend për abuzim, sepse është deklarim i lirë. Qytetarët nuk kanë arsye pse të gënjejnë. Nuk ka penalitete për këto tri pyetje, shprehur qartë edhe në Nenin 21 të ligjit të censit të vitit 2020,” shpjegoi drejtoresha e INSTAT-it.
Për sa i përket të dhënave të siguruara nga Censi 2023, znj. Dhuli tha se mbrojtja e informacioneve të qytetarëve është e garantuar.
“Statistikat zyrtare do të publikohen të grupuara dhe nuk do të dalë asnjë e dhënë individuale,” përfundoi Dr. Dhuli.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.