Censi, deklarimi i etnitetit/ Shoqatat e pakicave mendime të kundërta

Kombësia nuk duhej të ishte përfshirë nga Instat në vetdeklarimin e censit! I këtij mendimi eshtë përfaqësuesi i shoqatës së pakicave malazeze në Shkodër Agim Halluni. Halluni thotë se në censin e parë në Shkodër u regjistruan si pakicë vetëm 300 qytetarë ku në fakt mendohet të jenë rreth 10 mijë! Këtë Halluni e lidh me frikën e deklarimit si pakicë. Ndryshe beson kryetari i shoqatës “Montenegro” Alban Sekja i cili përshëndet censin duke e konsideruar si më të mirë se ai i vitit 2011. Sekja kërkon nga anketuesit që të jenë më sqarues në formulimin e pyetjeve, pasi shtetësia nuk duhet ngatërruar me etnitetin. Pas përfundimit të censit pritet që të dhënat të ndihmojnë shoqatat në statistikat mbi pakicat malazeze në Shkodër! Halluni dhe Sekja bien në të njëjtin mendim teksa inkurajojnë çdo qytetar që të deklarojë pa frikë etnitetin që përfaqëson!