Në Shqipëri jetojnë 2.412.113 banorë. Shifra u bë me dije nga drejtoresha e Institutit të Statistikave (INSTAT), Elsa Dhuli, që prezantoi sot (28 qershor) të dhënat e Censit të zhvilluar në tetor të vitit 2023.
“Në Shqipëri janë 2 milionë e 412 mijë e 113 banorë të cilët përbëjnë 700 e 55 mijë e 950 familje me mesatare 3.2 anëtarë për familje që jetojnë në 1.082.529 banesa të zakonshme”, u shpreh Dhuli.
Referuar të dhënave të vitit 2011, numri i popullsisë rezulton me një rënie prej 14.5%. Më 1 tetor 2011, popullsia banuese e Shqipërisë ishte 2 821 977 banorë. Edhe Censi i vitit 2011, krahasuar me atë të vitit 2001, reflektoi një rënie të popullsisë afërsisht prej 8,0%.
Censi i Popullsisë dhe Banesave nisi në tetor të vitit 2023 dhe është i 12 i realizuar në Shqipëri. Censi i Popullsisë dhe Banesave ofron të dhëna mbi numrin zyrtar të popullsisë, në njësinë më të vogël gjeografike, së bashku me informacionin mbi një numër të zgjedhur të karakteristikave demografike, sociale dhe ekonomike të popullsisë.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.