Ceremonia e festës së Bajramit/Qindra besimtarë falën Fitër Bajramin në Xhaminë e Parrucës
Besimtarët myslimanë të Shkodrës morën pjesë këtë të diel në ceremoninë e faljes së Fitër Bajramit në Xhaminë e Parrucës. Ajo u zhvillua në orët e para të mëngjesit.
Ceremonia u udhëhoq nga Myftiu i Shkodrës, Imam Muhamed Sytari, i cili mbajti edhe ligjëratën duke përcjellë mesazhin e festës. Myftiu Sytari theksoi rëndësinë e reflektimit që sjell Ramazani dhe vijimin e vlerave të sakrificës, mëshirës dhe mirësisë edhe pas përfundimit të tij.Pas faljes, besimtarët shkëmbyen urime me njëri-tjetrin, në një atmosferë festive.
