Spektakli i Champions League fillon sërish me Real Madrid-Manchester City, me më të mirët e më të mirëve. Një shfaqje dyshe që tashmë në çerekfinale mban erën e një finaleje të pritur me shumë kampionë në fushë dhe dy në stol: Ancelotti dhe Guardiola. Një ndeshje e madhe e cila, e pasuruar nga sfida e golit mes Haaland dhe Vinicius, do të mbajë miliona tifozë të mbërthyer pas ekranit në të gjithë botën.
Për Carletton, përballja e fundit me Manchester City daton në ndeshjen e dytë të gjysmëfinales së Champions League të vitit të kaluar dhe është ende një plagë e hapur, një nga humbjet e rralla të Real Madridit me Ancelottin në stol. Një 4-0 që spanjollët do të donin të “hakmerreshin” sa më parë. Guardiola dhe Haaland do të përpiqen të mos e lejojnë, padyshim.
Blancos dhe Citizens mbërrijnë në eventin e madh me situata të ndryshme në shtëpi. Reali dominon La Liga-n, ndërsa City është i angazhuar në një sprint spektakolar me Arsenalin dhe Liverpoolin në Premier League dhe është në gjysmëfinale të FA Cup.
Real arriti në çerekfinale të Champions League me një plaçkitje të plotë në Grupin C (gjashtë fitore në po aq ndeshje) dhe kapërcimi i pengesës së Leipzig-ut në raundin e 16-shes (fitore si mysafir dhe barazim në Bernabeu).
Edhe më mirë ia doli City, i cili deri më tani në këtë edicion të Champions League ka mundur vetëm të fitojë duke dominuar Grupin G dhe më pas duke eliminuar Kopenhagen në 16-she me një dopio 3-1.
Duke u nisur nga protagonistët në fushë, Real-City premton shkëndija, goditje spektakolare dhe emocione të mëdha. Të gjithë me qëndrime dhe stile të ndryshme.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.