Çmimi i zbritur, përfitojnë 60 mijë familje – Zhuka: Gjatë 2025- ës janë parashikuar investime në linjat e dëmtuara
60 mijë abonentë familjarë në qarkun Shkodër, muajin e ardhshëm do të faturohen me çmimin e ri, të zbritur të energjisë elektrike.
Drejtori Rajonal i OSHEE, Armando Zhuka, tregon se nga kjo ulje nuk përfitojnë abonentët biznes.
Zhuka tregon se gjatë këtij viti janë parashikuar një serë investimesh veçanërisht në linjat e vjetra.
Investimet në zonat turistike si Theth dhe Vermosh ndikuan pozitivisht gjatë fillim vitit, kur defektet si shkak i stuhive të forta ishin më të pakta. Zonat periferike, si njësia administrative Rrethina apo zona të bashkisë Vau- Dejës vijojnë të vuajnë nga amortizimi i linjave çka solli edhe shkeputje të energjisë në ditët e para të janarit, për të cilat sipas drejtuesve të OSHEE do të ketë investime.
