CR7 “thumbon” përsëri Messi-n: Europiani me Portugalinë vlen sa një Kupë Bote
Duke mundur Kroacinë e Luka Modric, Cristiano Ronaldo u bë i pari futbollist që shënon 900 gola në karrierë me Kombëtaren dhe klubet.
39-vjeçari fitoi duelin e veteranëve duke shënuar gol historik, por duke e shoqëruar edhe me një deklaratë nëpërmjes së cilët “thumboi” Lionel Messi-n.
Siç dihet argjentinas ka fituar për publikun e gjërë debatin se kush është më i miri falë Botërorit të fituar në Katar në 2022.
“Për mua ka shumë rëndësi arritja e këtij rekordi. E kërkoja prej shumë kohësh dhe isha i bindur se do ta arrija. Isha i bindur sepse unë po vazhdoj të luaj në nivele të larta dhe ky numër golash do të arrihej me kalimin e javëve”, tha Ronaldo.
I pyetur për të ardhmen nëse do të vazhdonte të grumbullohej me Portugalinë edhe gjatë Eliminatoreve të Kupës së Botës 2026, CR7 tha: “Nuk jam i motivuar që të fitoj tituj me Portugalinë pasi kam fituar dy të tillë dhe mjaftojnë. Europiani që fitova me Portugalinë vlen sa një Kupë Bote”, tha Ronaldo duke “thumbuar” në distancë Messi-n dhe të gjithë ata që mendojnë se argjentinasi pas “Katar 2022” meriton të konsiderohet si “Zoti” i futbollit.
