“Daily Mail” investigim për trafikantët shqiptarë: 2500 paund për të nxjerrë nga…
Daily Mail investigim per trafikantet shqiptare 2500 paund per te
“Daily Mail” investigim për trafikantët shqiptarë: 2500 paund për të nxjerrë nga Anglia kriminelë të shpallur në kërkim
Tabloidi britanik, “Daily Mail” ka publikuar një investigim për kontrabandistët shqiptarë, të cilët transportojë emigrantë të paligjshëm nga Shqipëria për në Angli, apo edhe për të nxjerrë njerëz nga ishulli.
Sipas “Daily Mail”, shqiptarët po ndihmojnë edhe kriminelë që janë në kërkim, përfshirë edhe për vrasje, që të largohen nga Anglia.
Ata reklamojnë edhe udhëtimet me kamion për “njerëzit që kanë probleme dhe duan të largohen sa më shpejt nga Anglia”.
Njëri prej trafikantëve i tha gazetarit të infiltruar të “Daily Mail” se mund ta ndihmonte atë të arratisej për 3 mijë paund.
Një tjetër trafikant e reklamon “aktivitetin” e tij në rrjetin social TikTok. “Njerëzit me probleme që duan të largohen nga Anglia sa më shpejt të jetë e mundur, duke shkuar në Francë ose Belgjikë me kamion. Çmimi 2500 paund”.c
Për të kuptuar të gjithë skemën si funksionon, një gazetar i infiltruar i “Daily Mail” kontaktoi këtë faqe dhe la të dhënat e tij. Më pas ai mori një mesazh nga një kontrabandist shqiptar me një numër telefoni në Mbretërinë e Bashkuar.
Në shkëmbimet e mëvonshme në WhatsApp, reporteri i shpjegoi se i afërmi i tij në Mbretërinë e Bashkuar duhej të arratisej sa më shpejt që të ishte e mundur, sepse ai kishte goditur me thikë një anëtar të bandës rivale dhe se viktima kishte vdekur më vonë në spital.
Trafikanti iu përgjigj: “3 mijë paund për në Francë”
Një tjetër llogari trafikanti e quajtur “Travel Agency London” kërkoi 17,500 paund, duke premtuar një udhëtim në kabinën e kamionit belg jashtë Mbretërisë së Bashkuar, të pajisur me dokumente të rreme udhëtimi.
“Hetimi ynë vjen pasi zbuluam se avokatët po kërkojnë deri në 10,000 paund për të paraqitur kërkesa të rreme për azil për emigrantët e paligjshëm. Autoriteti Rregullator i Avokatëve mbylli tre firma, ndaloi një këshilltar ligjor dhe nisi një rishikim të të gjithë sektorit, pasi Kryeministri bëri thirrje për veprime urgjente pas ekspozimit tonë”, shkruan “Daily Mail”.
