Danimarka, start me fitore
Danimarka e ka nisur me këmbë të mbarë Kampionatin Europian të moshës deri në 17 vjeç në futboll për djem, që ka nisur të hënën në Qipro dhe që po vjen drejtpërdrejtë në rrjetin e Radio Televizionit Shqiptar.
Në fakt danezëve u është dashur punë për të gjetur golin, sepse në gjashtë mundësi të krijuar përballë portës uellsiane gjithnjë e kanë patur shënjestrën e gabuar. Dhe vetëm në minutën e dytë shtesë të pjesës së parë, Obi, pasi ka shmangur dhe portieri Llajns, ka shënuar golin e parë.
Në pjesën e dytë një garë e portierit uellsian në pasimin e topit i jep mundësi Danimarkës të gjejë golin e dytë. Autorësia është e Johanesen në të 48’, i cili shënon në portën e boshatisur. Uellsi përpiqet të gjejë golin e nderit, ndërsa Breum-Harild ka treguar aftësitë e tij. Në vërshëllimën e fundit të Antoniut, 2-0 për Danimarkën, kurse Serbia ka fituar 1-0 me Ukrainën.
Kampionati Europian i moshës deri në 17 vjeç përfundon më 5 qershor, ndërsa fituese në fuqi është Gjermania, që mungon këtë edicion.
