Departamenti amerikan i Shtetit në raportin për terrorizmit tha se në Kosovë gjatë vitit 2022, institucionet e drejtësisë vazhduan të jepnin dënime të ulëta për të akuzuarit.
“Dënimet e shkurtëra, lirimet e parakohshme dhe me kusht dhe mosorganizimi i mbikëqyrjes pas lirimit paraqesin kërcënime për sigurinë. Kosova ka riatdhesuar mbi 120 shtetas dhe vlerësohet se 80 të tjerë vazhdojnë të jenë në kampe, qendrat e ndalimit ose në fushëbeteja në Siri” vlerëson DASH.
Sipas raportit, qytetarët e Kosovës brenda dhe jashtë vendit janë objektiv i mundshëm për rekrutim nga organizata të dhunshme ekstremiste. Në raportin e DASH-it përmenden rasti i aktakuzës ndaj 4 personave të dyshuar për përgatitje të veprave terroriste kundër rendit kushtetues. Ata dyshohen se kishin tentuar të krijonin struktura organizative për të kryer sulme terroriste në Kosovë duke kontaktuar me një zyrtar të lartë të Shtetit Islamik. Gjithashtu flitet edhe për arrestimin e ish-policit serb të Kosovës, Dejan Pantiç, që u akuzua për terrorizëm, “Arrestimi i tij nxiti banorët serbë që të vendosnin barrikada në veri të vendit, por ato u hoqën kur ish- policit iu ndryshua masa e sigurisë nga paraburgim në arrest shtëpie”.
Më tej përmendet sulmi i armatosur i 24 shtatorit ndaj Policisë në Banjskë, që Qeveria e Kosovës e cilësoi si akt terrorist.
Sa i përket aspektit të sigurisë në veriun e banuar me shumicë serbe, raporti i DASH-it thotë se “çështjet e sigurisë dhe paqëndrueshmëria politike në veri të Kosovës vazhdon të kufizojë aftësinë e Qeverisë për të shtrirë autoritetin e saj në atë rajon. KFOR dhe EULEX, kanë bashkëpunuar me Policinë e Kosovës për të promovuar një mjedis të sigurt dhe forcimin e sundimit të ligjit. DASH vuri në pah se Kosova e ka legjislacionin për të luftuar financimin e terrorizimit, por tha se ka mungesë të një strategji për të adresuar kërcënimet e lidhura me të. Sipas ligjeve në Kosovë, për vepra terroriste dhe kundër rendit kushtetues parashikohen dënime të ndryshme. Që nga viti 2015, në Kosovë ndalohet pjesëmarrja në luftëra të huaja dhe sipas ligjit, parashiohen dënime deri në 15 vjet burgim.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.