DASH prezanton Strategjinë për Hapësirën Ndërkombëtare Kibernetike, ambasada e SHBA: Të përdorim teknologji të sigurta
Departamenti i Shtetit i SHBA prezantoi Strategjinë për Hapësirën Ndërkombëtare Kibernetike dhe Politikat Digjitale, e cila fokusohet në përdorimin e teknologjive të sigurta me partnerët dhe aleatët ndërkombëtarë.
Ambasada e SHBA-së në Tiranë tha se kjo strategji ndërton një ekosistem digjital të mbrojtur dhe në përputhje me vlerat demokratike. Ambasada thekson se qytetarët duhet të marrin shërbime dhe informacione nga platforma të sigurta, në një kohë kur edhe shërbimet kryesore po digjitalizohen dhe teknologjia luan rol kyç në adresimin e sfidave.
Kjo strategji vjen në një kohë ku revolucionet e sotme në teknologji janë në qendër të konkurrencës me rivalët gjeopolitikë të SHBA-së dhe se hapësira kibernetike duhet përdorur në mbrojtje të sigurisë, demokracisë, por edhe zhvillimit ekonomik të një vendi.
“Departamenti i Shtetit i SHBA prezantoi së fundmi Strategjinë e SHBA për Hapësirën Ndërkombëtare Kibernetike dhe Politikat Digjitale, e cila fokusohet në qëllimet e përbashkëta. Angazhimi i Shteteve të Bashkuara ndaj partneriteteve ndërkombëtare për çështjet kibernetike mbetet i fortë dhe Strategjia thekson punën me aleatët dhe partnerët tanë për të ndërtuar një ekosistem digjital të mbrojtur, elastik dhe në përputhje me vlerat. Duke u fokusuar në solidaritetin digjital në vend të epërsisë digjitale, ne parashikojmë një të ardhme ku njerëzit në mbarë botën përdorin teknologji të sigurta digjitale për t’u angazhuar në mënyrë të sigurtë dhe të hapur në internet, për të marrë me siguri shërbime dhe informacione kritike nga qeveritë e tyre dhe për të nxitur një rritje ekonomike gjithëpërfshirëse”, shkruan ambasada e SHBA-së.
Kjo strategji u prezantua nga sekretari i përgjithshëm Antony Blinken, i cili tha se SHBA synon “solidaritet digjital” dhe jo “sovranitetit dixhital”. Blinken shprehet se “solidariteti dixhital” shpreh një gatishmëri për të punuar së bashku për qëllime të përbashkëta dhe për të ndihmuar partnerët të ndërtojnë kapacitete dhe për të ofruar mbështetje reciproke
“Ne jemi në një periudhë kyçe të marrëdhënieve ndërkombëtare, e karakterizuar nga konkurrenca e mprehtë midis kombeve dhe sfidat e përbashkëta globale si ndryshimet klimatike, siguria ushqimore dhe shëndetësore dhe rritja ekonomike gjithëpërfshirëse. Teknologjia do të luajë një rol gjithnjë e më kritik në adresimin e këtyre sfidave… Shtetet e Bashkuara do të punojnë me çdo vend apo aktor që është i përkushtuar për zhvillimin dhe vendosjen e teknologjisë që është e hapur, e sigurt dhe e sigurt, që promovon rritjen gjithëpërfshirëse, që nxit shoqëritë elastike dhe demokratike , dhe kjo i fuqizon të gjithë njerëzit”, tha Blinken.
